دوو ڤاکسینی ئێران لە قۆناغەکانی کۆتایی بەرهەمهێناندان

KNN : Kurdish News Network
06:52 - 13/06/2021
تەندروستی

سەرۆکی ڕێکخراوی خۆراک و دەرمانی ئێران ئاشکرایدەکات، لە هاوینی ئەمساڵدا زیاتر لە (10) ملیۆن ژەمە ڤاکسینی کۆرۆنا بەرهەم دەهێنن و تا هاتنی وەرزی پایز (%70) هاوڵاتیانی ئێران بەو ڤاکسینانە دەکوترێن.

 

محەمەد رەزا شانەساز سەرۆکی رێکخراوی خۆراک و دەرمانی ئێران رایگەیاند، لە کۆتایی ئەم مانگەدا کوتانی هاوڵاتیان دژی کۆرۆنا بە ڤاکسینی ئێرانی دەست پێدەکەن و بە هاتنی ڤاکسینەکەش زۆرێک لە نیگەرانییەکان چارەسەر دەبێت.

 

وتیشی: کەمترین ڕادەی بەرهەم هێنان لە ساڵدا (197) ژەم دەبێت، تا کۆتایی وەرزی هاوین زیاتر لە (10) ملیۆن ژەم ڤاکسین بەرهەم دەهێنرێت و تا کۆتایی ساڵیش (10) ملیۆن ژەم بەرهەمدەهێنن.

 

سەرۆکی رێکخراوی خۆراک و دەرمانی ئێران دەڵێت: "بەرهەم هێنانی دوو ڤاکسینی ئێرانی دژی کۆرۆنا گەیشتۆتە قۆناغی کۆتایی بەڵام پێویستی بە پەسند کردنی شارەزانی تەندروستی هەیە و ئامانجمانە تا کۆتایی ئەمساڵ لە %70ی هاوڵاتیانی ئێران ڤاکسینیان پێبدرێت".

244 جار خوێندراوەتەوە