لە گەڕەکى سەرچنارى شارى سلێمانى، چەند کەسێک بۆریەکى ئاوەڕۆیان شکاندوە و دواتر ئاوەکەیان بە تانکەر فرۆشتوە بە هاوڵاتیان.

ئارى عوسمان لێپرسراوی بەشی زیادەڕۆیی لە شارەوانی سلێمانی بە دیجیتاڵ میدیاى (KNN)ى راگەیاند، لە سنورى گەڕەکى سەرچنار چەند کەسێک بۆرى ئاوەڕۆ (زێراب)یان شکاندوە و ئاوەکەیان فرۆشتوە بە هاوڵاتیان.

وتیشى؛ دواى بەدواداچونەکانیان بۆیان ئاشکرابووە، کە ئەو کەسانە بە رۆژ ئاوە پیسەکە کۆدەکەنەوە و بە شەویش لە رێگەى تانکەرەوە ئەو ئاوە دەفرۆشنەوە بە هاوڵاتیان.