بزوتنەوەى گۆڕان خولى پێگەیاندنى سەرکردە بۆ هەڵسوڕاوانى دەکاتەوە

KNN : Kurdish News Network
05:25 - 10/06/2021
کوردستان

ژوورى سەرچاوە مرۆییەکانى بزوتنەوەى گۆڕان خولێک بۆ پێگەیاندنى سەرکردە و بەرزکردنەوەى ئاست و تواناى هەڵسوڕاوانى بزوتنەوەکە دەکاتەوە.

دیدار عەبدولکەریم، سەرپەرشتیارى ژوورى سەرچاوە مرۆییەکانى بزوتنەوەى گۆڕان بە دیجیتاڵ میدیاى (KNN) ى راگەیاند، بە هاوکارى ژوورى کارگێرى و دارایى بزوتنەوەى گۆڕان خولێکى فێرکارى سەرکردایەتى کردن و بەرێوەبردنمان کردوەتەوە کە ماوەى چوار هەفتە دەخایەنێت و وانەکانى خولەکەش لەلایەن تیمێکى پسپۆرەوە دەوترێنەوە.

راشیگەیاند، کردنەوەى ئەم خولە یەکێکە لە هەنگاوەکانى ژوورى سەرچاوە مرۆییەکانى بزوتنەوەى گۆڕان بۆ پێگەیاندنى هەڵسوڕاوى ئاست بەرز و بەتوانا.

سەبارەت بە بەشداربوانی خولەکەش، سەرپەرشتیارى ژوورى سەرچاوە مرۆییەکانى بزوتنەوەى گۆڕان وتى: بەشداربونى خولەکە بریتین لە ئەندامانى ژوورەکانى بزوتنەوەى گۆڕان و ژمارەیەک هەڵسوڕاوى دیکەى بزوتنەوەکە.

 

جوانڕۆ محەمەد - سلێمانى

 

838 جار خوێندراوەتەوە