بڕ و جۆرى بەشە خۆراکى مانگانەى هاوڵاتیان دیاریکرا

KNN : Kurdish News Network
10:02 - 10/06/2021
کوردستان

وەزارەتى بازرگانى هەرێم بەشە خۆراکی مانگانەی ھاوڵاتیانى بۆ ھەر تاکێک دیاری کرد و رایدەگەیەنێت، بۆ ئەم مانگە شەش جۆر خۆراک بەسەر هاوڵاتیاندا دابەش دەکرێت.

نەوزاد شێخ کامیل بەڕێوەبەری گشتی بازرگانی هەرێمی کوردستان رایگەیاند، بەپێی نوسراوێکی بەڕێوەبەرایەتی گشتی خۆراکی وەزارەتی بازرگانی حکومەتی فیدراڵ کە ئاڕاستەی لقی بەڕێوەبەرایەتیەکانی خۆراک کراوە، داوایان لێکراوە ئامادەکاری بکەن بۆ وەرگرتنی ئەو بەشە خۆراکانەی کە لە ئایندەیەکی نزیکدا دابەش دەکرێت بەسەر هاوڵاتیاندا.

بەپێى نوسراوەکەى بەڕێوەبەرایەتی گشتی خۆراکى وەزارەتی بازرگانی عێراق، بۆ هەر هاوڵاتیەکى عێراق بە هەرێمى کوردستانەوە، بڕى (سێ کیلۆ برنج، یەک دۆشاوى تەماتەى (400) گرامى، یەک لیتر زەیت، یەک کیلۆ شەکر، نۆ کیلۆ ئارد و یەک کیلۆ پاقلەمەنى فاسۆلیا و نیسک و نۆک) وەردەگرێت.

4244 جار خوێندراوەتەوە