فەرماندەکەى حەشدى شەعبى ئازادکرا و دۆسیەکەى داخرا

KNN : Kurdish News Network
11:30 - 09/06/2021
عێراق

دواى (14) رۆژ لە دەستگیرکردنى، فەرماندەکەى حەشدى شەعبى ئازادکرا و دۆسیەکەشى داخرا.

ئەمڕۆ چوارشەممە، قاسم موسڵح، فەرماندەى ئۆپەراسیۆنەکانى حەشدى شەعبى لە پارێزگاى ئەنبار دواى (14) رۆژ لە دەستگیرکردنى ئازادکرا و دۆسیەکەشى داخرا.

رۆژى (26/5/2021)، قاسم موسلیح فەرماندەیى ئۆپەراسیۆنەکانى ئەنبارى سەر بە حەشدى لەلایەن هێزێکى ئەمنى تایبەتەوە لە ناوچەى دۆرەى باشورى بەغداد بەپێى ماددەى (4)ى تیرۆر دەستگیرکراوە. ئەوەش بەتۆمەتى کوشتنى دوو چالاکوان لە پارێزگاى کەربەلا و تێوەگلان لە هێرشە موشەکییەکانى سەر بنکەى " عەین ئەسەد".

دواى دەستگیرکردنیشى، ناڕەزایەتى و توڕەبونى لایەنگرانى حەشدى شەعبى لێکەوتەوە و لە بەغدا دەستیان بە جوڵەى چەکدارى کرد و هەر زوو چەند دەروازەیەکى ناوچەى سەوزیان دەستبەسەرداگرت و هۆشداریاندا لە ئەگەرى ئازادنەکردنى.

بەپێى هەواڵى میدیا عێراقییەکان، لەبەر ئەوەى بەپێى ماددەى (130) دادگاى تاونەکان و بەهۆى نەبونى هیچ بەڵگەیە دۆسیەکەى داخراوە.

119 جار خوێندراوەتەوە