وەزارەتی کۆچی عێراق لەبارەی گەڕاندنەوەی ئاوارەکانی کەمپی هۆل رونکردنەوە دەدات

KNN : Kurdish News Network
10:03 - 06/06/2021
عێراق

وەزارەتی کۆچ و کۆچبەرانی عێراق ئاشکرایدەکات، گەڕاندنەوەی ئاوارەکانی کەمپی هۆل لە دەسەڵاتی ئەواندا نییە.

 

 
کەریم نوری بریکاری وەزارەتی کۆچ و کۆچبەرانی عێراق لە لێدوانێکی رۆژنامەوانیدا رایگەیاند، بڕیاری گەڕاندنەوەی ئاوارەکانی کەمپی هول لە دەسەڵاتی ئەواندا نییە، تەنیا دەزگا ئەمنییەکان دەتوانن ئەو بڕیارە بدەن.

 

وتیشی، بڕیاردان لە دیاریکردنی چارەنوسی ئاوارە و پەنابەران لە دەسەڵاتی وەزارەتی کۆچ کۆچبەراندا نییە، بەڵکو وەزارەت پەیوەستە بە داڵدەدان و دابینکردنی پێداویستییە سەرەتاییەکان، ئەویش بە هەماهەنگی و هاوکاری رێکخراوە نێودەوڵەتییەکان.

 

رۆژی (25)ی ئایاری ئەمساڵ (100) خێزان کە پێکهاتبون لە (500) کەس لە کەمپی هول گەڕێندرانەوە بۆ کەمپی جەددە لە پارێزگای نەینەوا.

176 جار خوێندراوەتەوە