لە سلێمانی پێشمەرگەیەک کۆتایی بە ژیانی خۆی هێنا

KNN : Kurdish News Network
10:31 - 13/05/2021
کوردستان

لەگەڕەکی ئاوبارەی شاری سلێمانی، پێشمەرگەیەک لە یەکەم رۆژی جەژندا کۆتایی بە ژیانی خۆی هێنا.

 
پەیامنێری دیجیتاڵ میدیای (KNN) لە سلێمانی رایگەیاند، ئەو پێشمەرگەیە لەماڵی خوشکەکەی بوە و بە چەکی ماڵی خوشکەکەی کۆتایی بە ژیانی خۆی هێناوە.

 

بە وتەی شایەتحاڵێکی روداوەکە، ئەو کەسەی کۆتایی بە ژیانی خۆیان هێناوە ماوەیەک توشی نەخۆشی دەرونی بووە و لەکاتی چۆڵ بونی ماڵی خوشکەکەیدا فیشەکێکی ناوە بە خۆیەوە.

 

ئەو هاوڵاتیەی کۆتایی بە ژیانی خۆی هێناوە، پیشەی پێشمەرگەیە و خاوەنی پێنج منداڵە، لە ئێستادا تەرمەکەی رەوانەی پزیشکی دادی سلێمانی کراوە.

 

لە هەرێمی کوردستان حاڵەتەکانی کوشتن و خۆکوشت زیادیان کردووە، بەردەوام هۆشداری دەدرێت بەردەوامی قەیرانی دارایی و زیادبونی رێژەی هەژاری و خراپ بەکارهێنانی تۆڕەکۆمەڵایەتییەکان بە هۆکارە سەرەکییەکانی زیادبونی ئەو روداوانە دادەنرێن.

845 جار خوێندراوەتەوە