لەیارییەکى بەهێز و یەکلایى کەرەوەدا، یانەى چێڵسى ئینگلیزى توانى ریاڵ مەدریدى ئیسپانى تێکبشکێنێت و خۆى بگەیەنێتە یارى کۆتایى خولى یانە پاڵەوانەکانى ئەوروپا.

لە یارى گەڕانەوەى  قۆناغى پێش کۆتایى خولى یانە پاڵەوانەکانى ئەوروپا، یانەى چێڵسى توانى بە دوو گۆڵى بێ وەڵام بەسەر ریاڵ مەدریدا سەرکەوێت و خۆى بگەیەنێتە یارى کۆتایى.

کوڕانى تۆخێل هەر لەسەرەتاى یارییەکەوە تا کۆتایى توانیان کۆنتڕۆڵى کوڕانى زێدان بکەن و بە ئەنجامێکى شایستە و بە دوو گۆڵى ڤێرنەر و ماونت شکست بە پاڵەوانى پاڵەوانەکان بهێنن.

بەوەش یانەى چێڵسى هاوشانى مانچستەر ستى ئینگلیزى خۆى گەیاندە یارى کۆتایى چامپیۆنسلیگ و ریاڵ مەدریدیش ماڵئاوایى کرد.