ئێواره‌ی ئه‌مڕۆ ئه‌ندازیارێك له‌كاتی كاركردندا له‌ كارگه‌یەکی لم و چه‌و لە سلێمانى گیانى لەدەستدا.

بەپێى زانیارییەکان ئەو ئەندازیارە خەڵکى رۆژهەڵاتى کوردستانە و تەمەنى (44) ساڵە و لەکارگەیەکى چەو و لم لە ناوچەى تانجەرۆ لە سلێمانى کارى کردوە، له‌كاتی كاركردندا ئامێری هاڕینی چه‌و و لم كه‌وتوه‌ به‌سه‌ریدا و ده‌ستبه‌جێ گیانى لەدەستداوە.

له‌ ئێستادا ته‌رمی ئه‌و ئه‌ندازیاره‌ بۆ پزیشكی دادی سلێمانی گواستراوه‌ته‌وه‌ و توێكاری بۆ ته‌رمه‌كه‌ی ئه‌نجامده‌درێت، دواتریش تەرمەکەى راده‌ستی كه‌سوكاره‌كه‌ی ده‌كرێته‌وه‌.