چوار بومەلەرزە بەپلەى جیاواز ناوچەى گەرمیانى هەژاند، بەڵام هیچ زیانێکى لێنەکەوتەوە.

بەرێوەبەرایەتی گشتی کەشناسی و بومەلەرزەزانی هەرێمی کوردستان بڵاویکردەوە، کاتژمێرهەشت و(23)خولەکى ئەمشەو بومەلەرزەیەک بەگوڕى (4) پلە بەپیێوەرى رێختەر لەقەزاکانى کەلار و کفرى روویداوە.

بەپێى راگەیەنراوەکەى بەرێوەبەرایەتی گشتی کەشناسی و بومەلەرزەزانی هەرێمی کوردستان، بومەلەرزەکە به‌قوڵا‌يى(9) كیلۆمەتر و له‌دوورى( 26 )كیلۆمەتر له‌قەزاى كه‌لار و لەدوورى( 32) كیلۆمەتر له‌قەزاى كفرى ڕوويداوە.

لەراگەیەنراوێکى دیکەدا کە چەند خولەکێک دواى راگەیەنراوى یەکەم بڵاوى کردوەتەوە بەرێوەبەرایەتی گشتی کەشناسی و بومەلەرزەزانی هەرێمی کوردستان رایگەیاندوە،دوا به‌دواى ئەو بومه‌له‌رزه‌یە سێ بومه‌لەرزه‌ي ديكه‌ لەهەمان ناوچە به‌ گوڕى (2.9 ) و ( 2.5 ) و

( 2.7) پله‌ به‌پێوه‌رى ڕێخته‌ر له‌ كاته‌كانى( 08:30 ) و (08:35 ) و (08:43) به‌كاتى هه‌ولێر روویانداوە

بەپێى زانیارییەکانى دیجیتاڵ میدیاىKNN، بومەلەرزەکان هیچ زیانێکى گیانى و مادیان لێنەکەوتوەتەوە.