پەروەردەى رۆژئاواى سلێمانى: سبەینێ موچە دابەش ناکرێت

05:14 - 16/10/2020
کوردستان

به‌هۆی ئاماده‌نه‌بوونی لیستی موچه‌ی مانگى نۆ، سبه‌ینێ موچه‌ی په‌روه‌رده‌ی رۆژئاوای سلێمانی دابه‌ش ناكرێت.

بەڕێوەبەرایەتی پەروەردەی رۆژئاوای سلێمانی ئاگاداری سەرجەم بەڕێوەبەری قوتابخانە و خوێندنگە و هۆبەکانی سەر بە پەروەردەکەیان دەکات کە سبەینێ شەممە (17/10/2020) لیستی موچە ئامادە نابێت لەبەر ئەو گۆڕانکارییەی بەسەر مانگی دابەشکردنەکەدا هاتوە.

باس لەوەشکراوە، لەبەر زۆری سەرموچەو گواستنەوەی هاتو گواستنەوەی رۆشتو و خانەنشینی کە رێژەیەکی زۆرن، کاتی دەوێت هەتا ئامادە دەکرێت. بۆیە رۆژی یەکشەممە (18/10/2020) لیستی موچە دابەشدەکرێت بۆ ئەوەی رێککارییەکان و مافی ئەوانی دیکەش دابین بکرێت.

رۆژی چوار شه‌ممه‌، وه‌زاره‌تی دارایی هه‌رێم، خشته‌ی موچه‌ی مانگی نۆی سه‌رجه‌م وه‌زاره‌ته‌كانی بڵاوكرده‌وه‌ و به‌پیی خشته‌كه‌ له‌ماوه‌ی هه‌فته‌یه‌كدا، موچه‌ی سه‌رجه‌م شوێنه‌كان دابه‌شده‌كرێت.

3443 جار خوێندراوەتەوە