بەڕێوەبەری نەخۆشخانەی رانیە: لەبەر ناهەمواری خزمەتگوزاری تەندروستی توشبووانی کۆرۆنا روو لە کلینیکە تایبەتیەکان دەکەن

09:10 - 15/08/2020
کوردستان

بەڕێوەبەری نەخۆشخانەی گشتی شاری ڕانیە ئاشکرایدەکات،" ڕێژەی تووشبووانی کۆرۆنا لە دەڤەری ڕاپەڕین گەیشتۆتە لوتکە و ڕۆژبەڕۆژ لە زیادبووندایە، خزمەتگوزاری تەندروستیش لە سنورەکەدا لە بارێکی زۆر ناهەموار و ناگونجاودایە، بۆیە توشبووان بۆ وەرگرتنی چارەسەر بە ناچاری ڕوو لە نۆرینگە تایبەتیەکان دەکەن.

 

دکتۆرعەلی بەڕێوەبەری نەخۆشخانەی گشتی شاری ڕانیە بە دەنگی ئەمەریکای راگەیاندووە، زۆربەی پزیشکان بەهۆی نەدانی موچەکانیان بایکۆتی دەوامیان کردوە،پزیشک و کارمەندانی پزیشکی لەماوەی 8 مانگدا موچەیەک و 3 ڕوبعە موچەیەکیان وەرگرتوە، ڕۆژانەش ڕووبەڕوی مانگرتنی پزیشکان دەبینەوە وەک پژیشکانی پلە بەند و خولاو و پزیشکە دێرینەکان کە نۆرینگەی تایبەتیشیان نیە، بۆیەش خزمەتگوزاریەکان لە زۆربەی بنکە و مەڵبەندەکانی تەندروستی ڕاگیراون و ڕووبەڕووی گرفتی زۆر بووینەتەوە.

 

ئاماژەی بۆ ئەوەکردووە، تا ئێستا 4200 کەس پشکنینیان بۆ کراوە و 700 کەسیان لە پشکنینەکەیان دەرکەوتوە هەڵگری ڤایرۆسەکەن و ئەوانەشی گیانیانلەدەستداوە نزیکەی 28 حاڵەتە، دەشڵێت چاوەڕێی شەپۆلێکی تری کۆرۆنا دەکرێت لە وەرزی پایزدا.

294 جار خوێندراوەتەوە