نرخی ئەمپێری موه‌لیدە بۆ مانگی ته‌موز دیاریكرا

10:56 - 05/08/2020
کوردستان

نرخی یه‌ك کاتژمێر ئەمپێری كارەبای موه‌لیدە لە مانگی ته‌موز (33) دینار و نیو دەبێت و به‌پێی خشتەی پێدانی كارەبا، مانگی ئاب (24) کاتژمێر كاره‌با بۆ هاوڵاتیان دابین ده‌كرێت.


قایمقامیەتی سلێمانی ڕایگەیاند ئه‌مڕۆ چوارشه‌ممه‌ (2020.8.5) لیژنه‌ی دیاریكردنی نرخی موه‌لیده‌ ئه‌هلییه‌كان كۆبوه‌وه‌، به‌ گوێره‌ی نرخی گازوایل نرخی كاتژمێرێك ئەمپێری موه‌لیدە بە (33.5) سی و سێ دینار و نیو بۆ مانگی حه‌وت دیاریكرا.

 

ئاشکرایکردوە بۆ مانگی تەموز به‌ تێكڕایی موەلیدە ئه‌هلییه‌كان لە نێوان (210) بۆ (220) کاتژمێر كاریان كردوە، بەمەش نرخی ئەمپێرێك كاره‌با لە نێوان شه‌ش هه‌زار (250) بۆ حه‌وت هه‌زار و (250) دینار دەبێت.

 

بڕیاریشداوە به‌پێی پێدان و دابینكردنی كاره‌با بۆ هاوڵاتیان له‌لایه‌ن موه‌لیده‌ ئه‌هلییكانه‌وه،‌ نرخی ئەمپێڕێك كاره‌با لە گەڕەكێك بۆ گەرەكێكی دیكه‌ جیاواز ده‌بێت.

 

ئاماژەی بەوەشکردوە هه‌ركاتێك كاره‌بای نیشتمانی كوژایه‌وه‌ پێویسته‌ موه‌لیده‌ ئه‌هلییه‌كان كارەبا بۆ هاوڵاتیان دابین بكەن‌، لەكۆبونەوەكەشدا ئەو خاڵە دوپاتكرایەوە، كە پێویستە پاش كوژانەوەی كارەبای نیشتمانی (10) خولەك زیاتر بەسەر كارپێكردنی موه‌لیدە تێنەپەڕێت، بەپێچەوانەوە سەرپێچیكار روبەڕوی یاسا دەكرێتەوە.

7786 جار خوێندراوەتەوە