سەرۆک وەزیرانى عێڕاق پەیامێک بەبۆنەى جەژنى قوربانەوە بڵاودەکاتەوە و رایدەگەیەنێت، جگە لەیەكگرتن هیچ رێگەیەكی دیكەمان لەبەردەم نیە بۆتێپەڕاندنی ئەم ناخۆشییانە.

لە پەیامێکدا کە لە هەژمارى خۆى لە تۆڕى کۆمەڵایەتى تویتەر بە هەردوو زمانى کوردى و عەرەبى بڵاویکردوەتەوە، مستەفا کازمى سەرۆک وەزیرانى عێراق دەڵێت: "بەڕێوەچوونی جەژنی قوربانی ئەمساڵ جیاوازترە لە ساڵانی رابردو، چونكە لەبەردەم ئاڵنگاری كەڵەكەبووی زۆری ساڵانی رابردوین".

ئاماژە بەوەش دەکات، جگە لەیەكگرتن هیچ رێگەیەكی دیكەمان لەبەردەم نیە بۆتێپەڕاندنی ئەم قەیران و ناخۆشییانە، تا وڵات بەشێوەیەكی دادپەروەری و یەكسانی حكوم بكات.