وەزارەتى خویندنى باڵا و توێژینەوەى زانستى عێراق دەستپێکردنى خویندنى ساڵى (2020-2021)ى بۆ سەرەتاى مانگى (12)ى ئەمساڵ دواخست.

 وەزارەتی خوێندنی باڵای و توێژینەوەی زانستیی عێراق رایگەیەندراوێكی بڵاوكردەوە و تیایدا ئاماژەی بەوە کردووە، وەرزی یەكەمی خوێندنی زانكۆ و پەیمانگەكان بۆ ساڵی خوێندنی (2020-2021) لە (6/12/2020) دەست پێدەكات و لە (18/3/2021)كۆتایی دێت.

بە پێى راگەیەنراوەکەى خوێندنى باڵاى عێراق، وەرزی دووەمی خوێندن لە (11/4/2021) دەست پێ دەكات و لە (22/7/2021) كۆتایی دێت.

ئەوەش خراوەتەڕوو، "بەهۆی ئەو رەوشە تەندروستییەی كە لە ئەنجامی بڵاوبوونەوەی ڤایرۆسی كۆرنای نوێ (COVID-19) هاتووەتە ئاوارەوە، كاركردن بە میكانیزمی فێركردن بە ئۆنلاین بەردەوام دەبێت.