ئەم جۆرە ڤیتامینە بیرت بەهێز دەكات

08:56 - 28/05/2020
تەندروستی

بەپێی ئەنجامی چەند توێژینەوەیەكی پزیشكی خواردنی ڤیتامینەكان چەندین سودی بۆ لەش هەیە و دەبێتە هۆی بەهێزكردنی بیر و چالاك كردنی مێشكی مرۆڤ.

چەند پسپۆڕێكی خۆراكی ئەمریكی لە زانكۆی هارڤارد ئاشكرای دەكەن، خواردنی ڤیتامین (B12) كە بە زۆری لە بەرهەمە ئاژەڵییەكاندا هەیە، سودێكی زۆری بۆ بیر هەیە و ئەگەری توشبون بە نەخۆشی لەبیرچونەوە كەمدەكاتەوە.

جگە لە ڤیتامین (B12) پسپۆڕەكان باس لە گرنگی ڤیتامینەكانى (C, A, B9) دەكەن بۆ مێشك و داوا لە هاوڵاتیان دەكەن ئەو خۆراكانە بخۆن كە دەوڵەمەندن بەو ڤیتامینانە.

لە گرنگترین ئەو خۆراكانە، میوەكانی كیوی و پرتەقاڵن هەروەها سەوزەی سپێناغ و چەرەساتەكان، هاوکات ماددەی ئۆمیگا سێی پێكهاتەی ماسی دەتوانێت سودێكی زۆر بە خانەكانی مێشك بگەیەنێت و ئەگەری پوكانەوەیان كەمبكاتەوە.

1478 جار خوێندراوەتەوە