1. بەڕێوەبەرایەتی هاتوچۆی پارێزگای سلێمانی شۆفێران ئاگاداردەكاتەوە كە لەمڕۆوە سیستەمی تاک و جوت کاری پێدەکرێت.

دەقی راگەیەنراوەکەی هاتوچۆی سلێمانی:

پاڵپشت بە بەیانی ژمارە (28)ی ساڵی (2020)ی وەزارەتی ناوخۆ لە (23/ 4/ 2020)دا، لیژنەی باڵای ئۆپراسیۆنەکانی پارێزگای سلێمانی بۆ بەرەنگاربونەوەی کۆرۆنا بەپێی ناوەڕۆکی نوسراوی پارێزگای سلێمانی ژمارە (96) لە (22/ 4/ 2020)دا بۆ وەزارەتی ناوخۆ، بڕیاریداوە بە کارپێکردنی سیستەمی تاک و جوتی ژمارەی ئۆتۆمبێلی تایبەت و کرێ"

تاکسیەکان لە ڕۆژی (25/ 4/ 2020)ەوە، بەپێی فەرمانی وەزارەتی گواستنەوەو گەیاندن ژمارە(81) لە(23/ 4/ 2020)دا، لەسەر بنەمای ژمارەی تاک و جوت دەست بە کارکردن دەکەنەوە، ڕۆژی (25/ 4/ 2020) تەنها هەڵگرانی ژمارەی (تاک) کاردەکەن و ڕۆژی دواتر ژمارەی (جوت)، (ڕۆژە تاکەکان بەپێی ڕۆژژمێر بۆ ژمارەی تاک دەبێت و ڕۆژە جوتەکان بەپێی ڕۆژژمێر بۆ ژمارەی جوت دەبێت)."

هاوکات لە بارەی ئۆتۆمبێلی تایبەتەوە بریاردراوە بەم شێوەیە بێنە سەرشەقام، هاتوچۆی ئۆتۆمبێلی تایبەت لە سنوری قەزای مەڵبەندی سلێمانیدا لە ڕۆژی (25/ 4/ 2020)ەوە دەبێت بە سیستمی تاک و جوت، ڕۆژی (25/ 4/ 2020) تەنها هەڵگرانی ژمارەی (تاک) کاردەکەن و ڕۆژی دواتر ژمارەی (جوت)، (ڕۆژە تاکەکان بەپێی ڕۆژژمێر بۆ ژمارەی تاک دەبێت و ڕۆژە جوتەکان بەپێی ڕۆژژمێر بۆ ژمارەی جوت دەبێت)."

بەوردی ڕێکاری پێویست دەگیرێتەبەرو سەرپێچیکار بەپێی بەیانی ژمارە (19)ی ساڵی (2020)ی وەزارەتی ناوخۆ سزا دەدرێت