ژمارەیەک هاوڵاتی و مامۆستایانی ئاینی لەشاری سلێمانی گردبونەوە و داوایانکرد مزگەوتەکان بکرێنەوە.

ئاری عەزیز مامۆستای ئاینی لە کۆنفرانسێکی رۆژنامەنوسیدا ڕایانگەیاند زۆرینەی سێکتەرەکان کراوەتەوە، بەڵام تەنها مزگەوتەکان ناکرێنەوە.

وتیشی باوەڕمان وایە ئێستا بابەتی نەکردنەوەی مزگەوتەکان سیاسیە و هۆکارەکەی کۆرۆنا نیە.

داواشیان لە هاوڵاتیان کرد ئەگەر هەتا سبەی مزگەوتەکان نەکرایەوە،هاوڵاتیان خۆیان مزگەوتەکان بکەنەوە و نوێژی تێدا بکەن.

ئەو مامۆستا ئاینیە ئاماژەی بەوەشکرد، ئەگەر مزگەوتەکان نەکرێتەوە لە باخەکان و شوێنە گشتییەکاندا نوێژی بە کۆمەڵ دەکەین.

ئەو مامۆستا ئاینییانە ئەوەشیان وت پێویستە مزگەوتەکان بکرێنەوە بۆ ئەوەی ناڕەزایی گەورە دروست نەبێت.

ئەوە لەکاتێکدایە دوێنی حکومەتی هەرێم بڕیاریدا مزگەوتەکان و کڵیسا و ناوەندەکانی خوێندن بە داخراویی دەمێننەوە و ناکرێنەوە.