عێراق ئیدانەی بەزاندنی ئاسمانی وڵاتەکەی و بۆردومانی کەمپی مەخمور لە لایەن فرۆکەکانی تورکیاوە دەکات.

 

لە ڕاگەیەندراوێکدا ئۆپەراسیۆنە هاوبەشەکانی عێراق، ئیدانەی بەزاندنی ئاسمانی وڵاتەکەی و بۆردومانی کەمپی مەخمور لەلایەن فرۆکەکانی تورکیاوە دەکات.

ئاماژەی بۆ ئەوەشکردووە، ئەو ڕەفتارەی تورکیا کارێکی ئیستیفزازییە و، شکاندنی ڕێککەوتنە نێودەوڵەتییەکانە، پێویستە ڕێز لە سەروەری عێراق بگیرێت و بەرژەوەندییە هاوبەشەكانی نێوان هەردو وڵات لەبەرچاوبگیرێت.

دەشڵێت عێراق ئامادەی هاریكاریی و گفتوگۆیە لەنێوان هەردو وڵات، لەسەر دۆخی ئەمنی و دابینكردنی ئاسایشی ناوچە سنورییەكانی هەردو وڵات.