ڕێکخراوی مافی مرۆڤی هەنگاو بڵاویکردەوە، مستەفا سەلیمی، بەندکراوی سیاسی کورد حوكمی لەسێدارەدانی بەسەردا سەپا، ئەمەش دوای ئەوەی لە بەندیخانە هەڵات و دەستگیر کرایەوە.

ئاماژەی بۆ ئەوەشکردووە، ئەو زیندانییە لەگەڵ 70 زیندانیی تر لە سەقز، لە بەندیخانە هەڵاتن و دواتر دەستگیر كرایەوە.

مستەفا سەلیم خەڵکی گوندی "ئیلۆ" بووە لە سەقز،ئەندامی حزبی دیموکرات بووە و پاشان گەڕاوەتەوە بۆ ڕۆژهەلاتی کوردستان لەلایەن هیزە ئەمنییەکانەوە بە تۆمەتی " ئەندامییەتی حزبی سیاسی ئۆپۆزسیۆن و دژایەتی کۆماری ئیسلامی ئێران" دەستگیرکراوە و لە دادگا سزای لەسێدراەدانی بۆ دەرچووە پێشتریش چەند جارێک دەستگیرکراوە.

پێشتر ئەو زیندانییە سیاسییە کوردە، چەندین جار مانی لە خواردن گرتبوو و سزاکەی بە نادادپەروەرانە لە قەڵەم دەدا.