بەیانی ئەمڕۆ لە نزیک پردێ لە باشوری کەرکوک بۆمبێکی لکێنراو بە ئۆتۆمبێلی ئەفسەرێکی پۆلیسدا تەقییەوە، بەهۆیەوە ئەفسەرەکە و دوو لە پاسەوانەکانی بریندار بوون.

 

وتەبیژی پۆلیسی کەرکوک بە ماڵپەڕی ڕووداوی ڕاگەیاندووە، ئەفسەرەکە پلەی عەقیدە و لەبەشی بازگەکانی پۆلیس دەوامدەکات، بەڕێگەوە بووە بۆسەر کارەکەی، بەڵام بۆمبێکی لکێنراو بە ئۆتۆمبێلەکەیدا تەقییەوە، بەهۆیەوە ئەفسەرەکە و دوو پاسەوانەکەی برینداربوون.

لەماوەی یەک ھەفتەدا ئەمە سێیەمین تەقینەوەیە لەناو شاری کەرکووک روودەدات و ھێزە عێراقییەکان دەکاتە ئامانج.