حکومەتی هەرێم ڕونکردنەوە لەسەر دەنگۆی بڵاوکردنەوەی گازی سارین دەدات

09:39 - 05/04/2020
کوردستان

وەزارەتی تەندروستی حکومەتی هەرێم هەموو ئەو دەنگۆیانە ڕەتدەکاتەوە کە باس لە بڵاوکردنەوەی گازی سارین دەکات و دەڵێت هیچ بنەمایەکی نیە و پڕوپاگەندەیە.

 

 

وەزارەتەکە لە ڕاگەیەندراوێکدا ئاماژەی بەوەکردوە،هەرکەسێک ئەو دەنگۆیانە بڵاوبکاتەوە یان گرتە ڤیدیۆی لەو بارەیە بڵاوبکاتەوە رێکاری یاسای بەرامبەر دەگیرێتە بەر.

 

 

داواشی لە هاوڵاتیان کردوە. خۆیان دووربگرن لە ھەموو جۆرە بڵاوکردنەوە و ناردنی پڕوپاگەندەیەك بۆ یەکتری و لەکاتی بوونی ھەر ھەواڵێك ئەوا لایەنی فەرمی لە حکومەتی ھەرێم بڵاوی دەکاتەوە و وەزارەتی تەندروستی تاکە سەرچاوەی راگەیاندنی هەر پێشهات و رووداوێکی تەندروستییە.

1437 جار خوێندراوەتەوە