رێگاى هاتوچۆى ناحیەى بالیسان دادەخرێت و رێگا بە هاتوچۆى هیچ جۆرە ئۆتۆمبێلێکى فریاکەوتن و تیمە تەندروستیەکان نادرێت و نەخۆشخانەى گشتى بالیسانیش هۆشدارى دەدات.

ماوەى پێنج رۆژە بە بڕیارێکى قائیمقامی قەزای شەقڵاوە رێگاى  ناحیەی بالیسانی سەر بەقەزاى شەقلاوە داخراوە و  رێگا بە ئۆتۆمبێلی فریاكەوتن و حاڵەتە کتوپڕەکانى نەخۆشیەکان نادرێت تێپەڕببن.

لە راگەیەندراوێکدا نەخۆشخانەی گشتی بالیسان رایدەگەیەنن، لەماوەى پێنج رۆژى رابردودا چوارەم حاڵەتی نەخۆشی بەپەلەیان هەبوە و نەیانتوانیوە بیانگەیەننە شارى هەولێر.

نەخۆشخانەی گشتی بالیسان هۆشداری دەدات ئەگەر رێگاکە لە ماوەی (24) کاتژمێرى داهاتودا بۆ ئۆتۆمبێلی فریاكەوتن و تیمە پزیشکییەکان نەکرێنەوە، سکاڵای یاسایی لەسەر قایمقامى قەزاى شەقلاوە تۆمار دەکەن.