حاجی سالاری دەربەندیخان پشکنینەکانی پاک دەرچوو و نەخۆشخانەی جێهێشت

09:44 - 26/03/2020
کوردستان

رێکخراوی هیوای هەژاران لە دەربەندیخان ڕایگەیاند حاجی سالار پشکنینەکانی پاک دەرچووە و ئەمشەو نەخۆشخانەی بەجێهێشتووە.

 

 

رێکخراوەکە ئاماژەی بەوەشکردوە،دوجار پشکنین بۆ حاجی سالار کراوە و هەردوو جارەکە پشکنینەکەی پاکدەرچووە.

 

 

ئەوە لەکاتێکدایە لە چەند رۆژی ڕابردوودا بەرپرسانی تەندروستی ڕایانگەیاند حاجی سالار توشبووی ڤایرۆسەکەیە و چەندین کەسیش لە خێزان و کەسە نزیکەکانی کەرەنتین کران و پشکنینیان بۆ کرا.

 

 

حاجی سالار یەکەم کەس بوو لە قەزای دەربەندیخان وەک توشبوو ڕاگەیەندرا و لە رێکخراوی هیوای هەژاران کار دەکات.

 

 

ئەمشەو بەڕێوەبەری تەندروستی سلێمانی ڕایگەیاند 12 توشبوی دیکەی کۆرۆنا چاکبونەتەوە و دەگەڕێنەوە بۆ ماڵەوە.

3662 جار خوێندراوەتەوە