قائیمقامییەتی سلێمانی رایگەیاند، ئەمڕۆ هەلمەتیکی فراوانی دابەسکردنی غاز دەستیپیکردووە و هەموو گەڕەکەکان دەگرێتەوە.

لەشكر حەمید سەرۆكی لیژنە هاوبەشەكانی قائیمقامیەتی سلێمانی رایگەیاندووە، ئەمڕۆ هەینی، بە سەرپەرشتی لیژنەكانی قائیمقامیەت و ئاسایشی ئابوری، لە بەردەم تەلاری ھونەر، ھەڵمەتێكی فراوان بۆ دابەشكردنی غاز بۆ سەرجەم گەڕەكەكانی سلێمانی دەستیپێكرد.

 ئاماژەی بەوەش کرد، تەنها دوێنێ لەناو شاری سلێمانی، 21 هەزار بوتڵ غاز دابەشكراوە و ئەمڕۆش 14 تانكەری دیكەی غاز هاتوونەتە ناو شاری سلێمانی.

لەشكر حەمید وتیشی، پێشتر رۆژانی هەینی وەكیلەكانی دابەشكردنی غاز، غازیان دابەشنەدەكرد، بەڵام ئەمڕۆ بەشێوەیەكی فراوان دابەشدەكرێت و هەموو ماڵێك دەتوانێت بوتڵە بەتاڵەكانی پڕ بكاتەوە.