ئەمڕۆ بەشێک لە دانیشتوانی عەربەت دژی نەبونی خزمەتگوزارییە سەرەتاییەکان خۆپیشاندانیان کرد.

خۆپیشاندەرانی عەربەت، ڕێگەی سەرەکی عەربەت -سلێمانیان داخستووە و داوای دابینکردنی خزمەتگوزارییە سەرەتاییەکانی وەک ئاو و کارەبا و سوتەمەنی دەکەن.

ئاماژە بۆ ئەوەشدەکەن ماوەی سێ ساڵە نەوتی سپییان بۆ دابین نەکراوە، خزمەتگوزارییە سەرەتاییەکانیان لە ئاستێکی خراپدایە.

خۆپیشاندەران باس لەوەش دەکەن، لە خۆپیشاندان و دەربڕینی ناڕەزایەتیەکانیان بەردەوام دەبن هەتا ئەو کاتەی لایەنە پەیوەندیدارەکان وەڵامیان دەدەنەوە.