وادەی کۆتایهێنان بەوەرگرتنی پارەی خزمەتگوزاری لە پرۆژەکانی نیشتەجێبون ڕاگەیەندرا

10:21 - 28/01/2020
کوردستان

وادەی کۆتایهێنان بەوەرگرتنی پارەی خزمەتگوزاری لە پرۆژەکانی نیشتەجێبوون ڕاگەیاندرا، لەدوای ئەو وادەیەشەوە حکومەت خۆی ئەرکی پێدانی پارەی خزمەتگوزاریی و ئاسایش، بەخاوەن پرۆژەکان دەگرێتە ئەستۆ.


بەپێی بڕیارێکی ئەنجومەنی باڵای وەبەرهێنان، لە ڕێکەوتی 1/6/2020 ئەمساڵ حکومەت خۆی ئەرکی پێدانی پارەی خزمەتگوزاری و ئاسایشی پرۆژەکانی نیشتەجێبوون دەگرێتە ئەستۆ، هاوشێوەی گەڕەکەکان مامەڵە لەگەڵ پرۆژەکان دەکرێت.

 

هەروەها، سەرجەم ئەو پرۆژانەش دەگرێتەوە کە مۆڵەتی وەبەرهێنانیان نییە، و لە ئێستادا بڕایرەکە نێردراوە بۆ سەرجەم وەزارەتە پەیوەندیدارەکان بۆ ئەوەی کاریپێبکرێت.


لە بڕیارەکەی ئەنجومەنی باڵای وەبەر‌هێناندا هاتووە، ئەو کەسانەی قەرزی کەڵەکەبوی پرۆژەکانی نیشتەجێبونیان لایە و نەیانداوەتەوەلەڕۆژی هەڵگرتنی پاشەکەوت لێیان وەردەگیرێتەوە.

 

ئاماژە بۆئەوەشکراوە، ئەو سودمەندانەی ٨٠٪‏ نرخی یەکەکانیان وەرگرتووە ماوەی دانەوەی قەرزەکانیان لە 10 ساڵەوە دەکرێتە 20 ساڵ.


1132 جار خوێندراوەتەوە