پۆلیسی ڕاپەڕین ڕایگەیاند، چوار کەس هێرشیان کردۆتە سەر گەنجێکی تەمەن 20 ساڵ و بەسەختی برینداریان کردووە.

 

بەڕێوەبەرایەتی پۆلیسی ڕاپەڕین بڵاویکردەوە، شەوی رابردوو گەنجێکی تەمەن 20 ساڵ گەیەندراوەتە نەخۆشخانە، شوینەواری چەقۆ بەجەستەیەوە بووە و بەهۆی سەختی برینەکەی ڕەوانەی نەخۆشخانەی فریاکەوتنی سلێمانی کراوە.

ئاماژەی بۆ ئەوەشکردووە، بەوتەی گەنجەکە چوار کەس لە ناو ئۆتۆمبیل دابەزیون و بەچەقۆ هێرشیان کردۆتە سەر و کەسەکانیش نەناسراو بوون.

بەوتەی پۆلیس ئەو گەنجەی هێرشی کراوەتە سەر تەمەنی 20 سالە و دانیشتووی ناحیەی سەنگەسەرەو لە ئێستادا تۆمەتبارەکان بە بڕیاری دادوەر بەپێی ماددەی 413 فەرمانی دەستگیرکردنیان بۆ دەرچووە.