چارەسەرکردنی دەیان ئاژەڵ لە نەخۆشخانەی گوێدرێژەکان لە فەڵەستین

06:48 - 12/12/2019
جیهان

نەخۆشخانەی گوێدرێژەکان لە فەڵەستین جگە لە گوێدرێژ دەیان جۆری دیکەی ئاژەڵی تێدایە و چارەسەری پێویستیان بۆ دەکرێت.

پەناگەی گوێدرێژەکان کە خەڵکی ناوچەکە ناویان لێناوە "نەخۆشخانەی گوێدرێژەکان" لە فەڵەستین، بووە بە شوێنی پاراستن و چارەسەرکردنی دەیان گوێدریژ و ئاژەڵی دیکە.

لە نەخۆشخانەکەدا جگە لە گوێدرێژ، دەیان ئەسپ و هێستریشی تێدایە و چەند دکتۆرێکیش چاودێرییان دەکەن.

راکان سیلوس کە دکتۆرێکی ڤێرتەرنەرییە بە رۆژنامەی ئیندیپێندینتی راگەیاندووە، لە سەرەتای دروستکردنی ئەم پەناگەیەوە تاکو ئێستا، هەرشتێک پێویست بووبێت بۆ ئاژەڵەکان لە چارەسەر و چاودێری ئەنجامیان داوە.
وتیشی، سەرجەم ئەو ئەو ئاژەڵانەی خاوەنیان هەیە یان بێخاوەنن، بێبەرامبەر چارەسەریان بۆ دەکرێت و لە ئێستاشدا ٤٤ گوێدرێژ، هێستر و ئەسپ لە نەخۆشخانەکەدان.

دوای ئەوەی هاوڵاتییەکی بەریتانی بە ناوی لوسی فێنسم لە ساڵی ٢٠٠٠ لە فەڵەيستین گوێدرێژێکی بریندار و بێخاوەن دەبینێت، پاساپۆرتی بۆ دەردەکات و بۆ چارەسەر دەیبات بۆ بەریتانیا، دواتریش بڕیار دەدات لە فەڵەستین شوێنێکی تایبەت بۆ هێستر، ئەسپ و گوێدرێژەکان دروست بکات، تاکو چاودێریی بکرێن و چارەسەری پزیشکییان بۆ بکرێت.

683 جار خوێندراوەتەوە