تورکیا: ٨١ پارچەی شوێنەواریمان بۆ عێراق گەڕاندووەتەوە

01:45 - 11/12/2019
عێراق

 وەزیری دەرەوەی تورکیا رایگەیاند، وڵاتەکەی ٨١ پارچەی شوێنەواری بۆ بەغدا گەڕاندووەتەوە کە تایبەتن بە مێژووی عێراق. 

 

مەولود چاوشئۆغڵو ئاماژەی بەوە کرد، لە چوارچێوەی ئەو رێککەوتنەی لە ئەیلولی ئەمساڵدا لەنێوان وەزارەتی گەشت و گوزاری تورکیا و عێراقدا کراوە، ئەو شوێنەوارە مێژووییانە بۆ بەغدا گەڕێندراونەتەوە.

دەربارەی بردنی شوێنەوارە مێژووییەکانی رۆژئاوای کوردستانیش وتی، ئەو شوێنەوارە مێژووییانەی ھێنراونەتە تورکیا سەرجەمیان دەگەڕێننەوە بۆ سوریا.

 

ئەم لێدوانەی مەولود چاوشئۆغڵو لە وەڵامی پرسیارێکی سەرپیل کەمالبای پەرلەمانتاری ھەدەپە ھات، کە دەربارەی بردنی ١٧ ھەزار پارچە لە شوێنەوارە مێژووییەکانی رۆژئاوای کوردستان کردبووی لەلایەن تورکیاوە

239 جار خوێندراوەتەوە