خوێندکارێکی سعودی سێ سەربازی ئەمریکی دەکوژێت

10:39 - 07/12/2019
جیهان

ئەندامێکی هێزی ئاسمانی سعودی لە نێو بنکەیەکی سەربازیدا لە ئەمریکا تەقە دەکات و 3 سەربازی ئەمریکی دەکوژێت.

 حاكمی ویلایه‌تی فلۆریدای ئه‌مریكا رایگه‌یاند، ئه‌ندامێكی هێزی ئاسمانیی سعودیه‌، كه‌ مه‌شق و راهێنانی له‌ ئه‌مریكا وه‌رده‌گرت، له‌نێو بنكه‌ سه‌ربازییه‌كه‌ی ویلایه‌ته‌كه‌دا ته‌قه‌ی كردوه‌ و سێ كه‌سی كوشتوه‌ و حه‌وتی دیكه‌شی برینداركردوه‌.

 

ئاماژه‌ی به‌وه‌شكردووە، ئه‌ندامه‌كه‌ی هێزی ئاسمانیی سعودیه‌ له‌لایه‌ن حكومه‌تی وڵاته‌كه‌یه‌وه‌ نێردراوه‌ بۆئه‌وه‌ی مه‌شق و راهێنانی پێبكرێت، به‌ڵام ئه‌و كاره‌ی كردوه.

‌هاوکات، میدیاکانی ئه‌مریكا بڵاویانكرده‌وه‌، ته‌قه‌كه‌ره‌كه‌ ناوی (محه‌مه‌د سه‌عید شه‌مرانی)یه‌ و  له‌ هێزی ئاسمانیی سعودیه‌ خوێندكاربوه‌ ‌و له‌نێو هۆڵی خوێندندا ته‌قه‌ی له‌ هاوڕێكانی كردوه‌، دواتر هه‌ر له‌وێدا  خۆشی كوژراوه.

ئه‌و شوێنه‌ی روداوه‌كه‌ی تێدا بوه‌، بنكه‌یه‌كی سه‌ربازیی سه‌ربه‌ هێزی ده‌ریایی ئه‌مریكایه‌ و ده‌كه‌وێته‌ ناوچه‌ی بنساكولا له‌ ویلایه‌تی فلۆریدا و نزیكه‌ی 16 هه‌زار سه‌ربازی تێدایه‌، كه‌ ساڵانه‌ مه‌شق و راهێنان به‌ سه‌ربازانی وڵاتانی هاوپه‌یمانی ئه‌مریكا ده‌كه‌ن و ساڵانە سەدان سعودیش لەو بەرنامەیە سودمەند دەبن.

لەسەر ڕوداوەکە ، شا سه‌لمان بن عه‌بدولعه‌زیز پادشای سعودیه‌ ئیدانه‌ی په‌لاماره‌كه‌ی كرد و به‌ تاوانێكی قێزه‌ون وه‌سفی كردوه.

1031 جار خوێندراوەتەوە