وەزیری دارایی هەرێم رەتیدەکاتەوە موچەی سێ مانگی کۆتایی ئەمساڵی فەرمانبەران پاشەکەوت بکرێت و دەڵێت موچە لەکاتی خۆیدا دەدرێت.

ئاوات جەناب نوری وەزیری دارایی هەرێم رونکردنەوەیەکی بڵاوکردەوە و رایگەیاند ئەو هەواڵەی بڵاوکراوەتەوە، سەبارەت بە پاشەکەوتکردنی موچەی مانگەکانی 10 و 1 و 12 دورە لە راستیەوە.

ئاماژەی بەوەشکردوە لەسەرەتای دەستبەکاربونی وەک وەزیر موچە دوانەکەتووە و لەکاتی خۆیدا دابەشکراوە.

وەزیری دارایی داواش دەکات، هاوڵاتیان هۆشیاربن و باوەڕ بەهەندێک هەواڵ نەکەن، بەڵکو هەموو بڕیار و رێنماییەکان لە راگەیاندنی وەزارەتی دارایی بەشەفافی بڵاودەکرێتەوە.

ئەوەش لەکاتێکدایە ئەمڕۆ پەرلەمانتارێک رایگەیاند، کە وەزارەتی دارایی پێشنیاری کردوە موچەی سێ مانگی کۆتایی ئەمساڵ پاشەکەوت بکرێت.