ماوەی ١٠ ڕۆژە خۆپیشاندانەکانی عێراق بەردەوامە و بەغدا بۆتە شارێک بۆ درووشم و هێزی تەواوی خۆپیشاندەران.

خۆپیشاندەران بە چەندین شێواز گوزارشت لە درووشمەکانیان دەکەن، ئەمڕۆ لەسەر دیوارەکان درووشمەکانیان کرد بە وێنە.

لە مەیدانی تەحریر لە بەغدا کچان و کوڕانی خۆپیشاندەر لەسەر دیوار و ژێر پردەکان دەنەخشێنن و گوزارشت لە کوشتنی خۆپیشاندەران دەکەن لەلایەن هێزە ئەمنییەکانەوە.

خۆپیشاندەران جارێکی دیکە دۆستە هەمیشەییەکەیان لەبیر نەکرد کە ماتۆڕێکی سێ تاییە و پێی دەڵێن "توک توک" و لەناو وێنەکانی سەر دیوارەکان نەخشاندیان و گوزارشتیان لە ڕۆڵی ئەو جۆرە ماتۆڕەکرد.