سۆران عومەر، ئەندامی پەرلەمانی کوردستان سەبارەت بە دۆسیەی کوشتنی ئامانج بابانی و لانە مەحەمەد و منداڵەکەیان ئاماژەی بەوەکردووە، "دوای بەدواداچوونی ورد گەیشتمە خاڵی كۆتایی كە “بكوژی لانە‌ و منداڵەكەی ‌و خودی ئامانجیش، ئامانج خۆیەتی”. و کێشەکەیان لەسەر خانوو بووە."

سۆران عومەر، ئەندامی پەرلەمانی کوردستان لە بەدواداچوونێکدا ئاشکرایکردووە، " ئامانج و لانە رێککەوتوون لە بەکرەجۆ خانوویەک بکڕن بەومەرجەی هەریەکەیان نیوەی پارەکەی بدات، و بکرێت بە ناوی هەردووکیانەوە، ئامانج بۆ دابینکردنی نیوەی پارەکەی بەڵێننامەی بۆ لانە پڕدەکاتەوە، بەڵام کاتێک لانە ئەوەی بۆ دەردەکەوێ کە ئامانج خانووەکەی کردووە بە ناوی خۆیەوە لانە دەچێتە دادگا و داوای جیابوونەوە دەکات."

دەقی بەدواداچوونەکانی ئەو پەرلەمانتارە:

رۆژی 16ی ئەم مانگە، ئامانج بابانی و لانە محەمەدی هاوسەری و هامۆی تەمەن سێ ساڵان لە رووداوێکی تەقەکردندا لە سلێمانی گیانیان لەدەستدا، دواتر پۆلیسی سلێمانی لە کۆنگرەیەکی رۆژنامەوانیدا بەڵگەکانی خستەڕوو و ئاشکرای کرد، رووداوەکە خۆکوژیی بووە و ئامانج دوای کووشتنی منداڵەکەی و هاوسەرەکەی خۆیشی کوشتووە.