لە رۆژگاری ئەمڕۆدا زۆرکەس بە دەست درەنگ خەولێکەوتنەوە دەناڵێنن بەڵام بەپێی توێژینەوەیەکی نوێ دەکرێت لە رێگەی خواردنەوەی شیر و زەردەچەوەوە سیستمی خەو باشبکرێت.

لە بابەتێکی تەندروستیدا ماڵپەڕی ڕوسیا تودەی بڵاویکردووەتەوە، بەپێی توێژینەوەیەکی نوێ، خواردنەوەی شیر و زەردەچەوە لە شەواندا یارمەتیدەرێکی زۆر باشە بۆ زوو خەولێکەوتن.

وەکو ڕاشێل کلارکسۆن شارەزایی خۆراک ئاماژەی پێکردووە، خواردنەوەی زەردەچەوە و شیر یارمەتیدەرە لە زوو خەولێکەوتن، شیر مەگنیسیۆمی زۆری تێدایە و  پشوو بە ماسولکەکان دەدات و واتلێدەکات زوو خەوت لێدەخات.

ئاشکراشیکردووە، لە شیردا ترشی تریپتۆڤان هەیە و  یارمەتی خەولێکەوتن دەدات چونکە هانی بەرهەمهێنانی هۆڕمۆنی سیرۆتۆنین دەدات، کە بەرپرسە لە کۆنترۆڵکردنی سیستمی خەو و بەخەبەرهاتن.

زانایان ئامۆژگاری خەڵکی دەکەن شیری گەرم لەگەڵ زەردەچەوە تێکەڵبکەن و شەوان پێش چوونە جێگەی نوستن بیخۆنەوە.

هاوکات، ئاماژەیان بەوەکردووە، هەندێک خواردنی وەک نانی سپی و ماکەرۆنی ئاستی ئەو هۆڕمۆنە کەمدەکەنەوە و توشی خەوزڕان دەبن.