وتەبێژی پۆلیسی سلێمانی رایگەیاند، کەسێکی ئێرانیان دەستگیرکردووە کە بە هاوکاری سێ هاولاتی هەرێم بە نەخشە بەدوای شوێنەوارە دێرینەکانەوە بوون و لەکاتی هەڵکەندنی شوێنەوارێکدا دەستگیرکراون.

بەپێی وتەی پۆلیسی سلێمانی " تۆمه‌تبارێك كه‌ دانیشتوی‌ شاری‌ سلێمانییه‌ چه‌ند گرته‌ ڤیدیۆییه‌كی‌ بۆ كه‌سێكی‌ به‌ره‌گه‌ز ئێرانیی‌ ناردووه‌ كه‌ شوێنه‌وارێك له‌شاری‌ سلێمانی‌ هه‌یه‌ تا ئه‌و كه‌سه‌ بێت‌ و سه‌یری‌ بكات بۆئه‌وه‌ی‌ ئاسه‌واره‌كانی‌ ده‌ربهێنن‌ و بیبه‌ن، دواتر كه‌سه‌ ئێرانییه‌كه‌ كه‌ شاره‌زایه‌ له‌ده‌رهێنانی‌ ئاسه‌وار و شوێن ناسیدا، سێ تۆمه‌تباری‌ تری‌ به‌كرێ گرتووه‌ تا هاوكاریی بكه‌ن له‌ده‌رهێنان‌ و بردنی‌ ئاسه‌واره‌كان".

ئاماژە بەوەشکراوە "له‌شوێنی‌ ئه‌نجامدانی‌ كاره‌كه‌یان سه‌رجه‌م تۆمه‌تباره‌كان لەلایەن هێزەکانی‌ پۆلیسەوە ده‌ستگیركراون‌ و له‌ئێستادا به‌بریاری‌ دادوه‌رو به‌پێی‌ مادده‌ی‌ ٦٣ له‌یاسای‌ شوێنه‌وار بەندن".

کۆی گشتی ئەو کەسانەی بە تۆمەتی جیاجیا دەستگیرکراون لە ماوەی ڕابردوودا ٢١ پیاو سێ ژنن.