وتەبێژی سەربازی حوسیەكان: هێرشەكانمان بۆ سەر سعودیە بەردەوام دەبێت
حوسیەكانی یەمەن, رایدەگەینن: ئەو هێرشەی كە لە چەند رۆژی رابردوودا كردویانەتە سعودیە وێنەی نەبوەو هەڕەشەی دوبارە كردنەوەی هێرشەكان دەكەن بۆ سەر ئەو وڵاتە.
یەحیا سەریع, وتەبێژی سەربازی حوسیەكان رایگەیاند: لە چەند رۆژی رابردوو لە رێگەی فرۆكەی بێ فرۆكەوانەوە هێرشیانكردوەتە سەر چەند ئامانجێكی وڵاتی سعودیەو یەكێك بوە لە هێرشە گەورەكانیان بۆ سەر ریاز.وتیشی: لەو هێرشەدا چەند ئامانجێكی سعودیەیان لە شارەكانی دوادمی و عەفیف پێكاوە ئەوەش لە رێگەی ئەنجامدانی پلانی وردەوە.
وتەبێژی سەربازی حوسیەكان ئاماژەی بەوەشكرد: بەهۆی هێرشەكانیانەوە لەو دوشارەی سعودیە هەناردەكردنی نەوت راگیراوەو ئابوری سعودیەیان كردوەتە ئامانج.
917 جار خوێندراوەتەوە