11 ساڵ بەسەر ئازادکردنی کۆبانێ و شکستپێهێنانی تاریکپەرستانی داعش لەلایەن شەڕڤانانەوە تێپەڕدەبێت، لە کاتێکدا کۆبانێ بە چەتەکان دەورەدرابوو، بەڵام بەرگریی کورد بە جارێک خەونی چەتەکانی داعش و تورکیایان لەگۆڕنا و دوای 11 ساڵ دووبارە شارەکە لە دۆخی شەڕ و گەمارۆداندایە.

هەواڵ:KNNC

لە ساڵی 2014 دا، دوای داگیرکردنی موسڵ، چەتەکانی داعش هەڵیانکوتایە سەر کۆبانێ و گەمارۆیان دا، خەڵکیان ناچار بە کۆچبەریی کرد و ناوچەکەیان ڕووبەڕووی ئاگر و تۆپباران کردەوە، چەتەکانی داعش لە سەرەتا هەوڵی داگیرکردنی چوار شوێنیان دا ئەوانیش (گردی مشتەنوور، ناوەندی چاند و هونەر، چوارگۆشەی ئەمنی و ڕێڕەوی مورشید پنار) بوو، لەوەش سێ ناوچەیان داگیرکرد بەڵام چوارەم شوێن کە ڕێڕەوی مورشید پنار بوو، نەتوانرا داگیربکرێت و بووە قەڵای بەرخۆدان

توركیا لە باكوورەوە تا كۆتایی بەردەوام بوو لە فشارەكانی، هێزێكی زۆری سەربازی و تانک و ئۆتۆمبێلی سەربازیی كۆكردبووەوە، زیاتر لە جارێكیش ئەردۆغان ڕایگەیاند، “كۆبانێ دەكەوێت”،
لە 15 ی ئەیلوولی 2014 ، شەڕڤانانی یەپەگە و یەپەژە دەستیان بە قارەمانێتییەکی کەم وێنە کرد دژی چەتەکانى داعش، لەسەرەتادا ژمارەیەکی کەم لە شەڕڤانان بەرگرییان لە کۆبانێ دەکرد و توانییان بۆ ماوەی 20 ڕۆژ ڕێگە لە بەرەوپێشچوونی چەتەکانی داعش بگرن و (ئارین میرکان) بوو بە سیمبولی بەرخۆدانەکە.

ئەوکات یوسف محەمەد لە پشکی بزوتنەوەی گۆڕان سەرۆکی پەرلەمانی کوردستان بوو، بە بڕیاری پەرلەمان هێزکانی پێشمەرگە  لە باشورەوە چوونە ڕۆژئاوای کوردستان و دوای بەرخۆدانێکی بێوێنە، لە 26ی کانونی دووهەم-1ی 2015دا کۆبانێ لە چەتەکان پاککرایەوە،

ئێستا و دوای 11 ساڵ قەڵای بەرخۆدانی کورد دووبارە لەژێر گەمارۆی قورسدایە و خەڵکەکەی دووچاری نەهامەتی و سەختییەکی زۆر کراونەتەوە، ئەمجارەیان بە دەستی سوریای عەرەبیی...