ئەردۆغان وەرگرتنی فڕۆکەی F-35  بە خزمەت بۆ پەیوەندییەکانی تورکیا لەگەڵ ناتۆ و ئەمەریکا ناودەبات و دەشڵێت:  تورکیا هەمیشە لایەنی ئاشتییە.

هەواڵ:KNNC

ڕەجەب تەیب ئەردۆغان سەرۆککۆماری تورکیا لە لێوادنێکی نوێیدا لەبارەی پێشهاتە نوێیەکانی ناوچەکە ڕایگەیاند: تورکیا هەمیشە لایەنی ئاشتیی بووە دەشتوانێت ببێتە بەشێک لە چارەسەر بۆ کێشەکانی ناوچەکە.

ئەردۆغان وتی، هێزی ئاشتیپارێز لە غەززە بەبێ ئامادەیی تورکیا ڕەوایەتی نابێت و دەبێت هەوڵبدەن بۆ بەدەستهێنانی ڕەوایەتی.

لەبارەی شەڕی ڕوسیا و ئۆکراینیشەوە سەرۆکی تورکیا وتی، تورکیا وەک شوێنێک بۆ ئەنجامدانی ئاگربەستی نێوان مۆسکۆ و کێیڤ دەمێنێتەوە و ئامادەن بۆ هەر ڕۆڵێک لە ڕاگرتنی شەڕدا، ئاماژەی بەوەشکرد بە وردی چاودێری دۆخەکە دەکەن بۆ دانوستانەکانی داهاتووی ڕێککەوتن.

ڕەجەب تەیب ئەردۆغان وتیشی، ئەو فڕۆکە F-35انەی تورکیا پارەی داوە بۆ کڕینیان ڕۆڵیان لە باشترکردنی پەیوەندییەکانی تورکیا لەگەڵ ئەمەریکا و خزمەت بە پەیوەندییەکانی ئەنقەرە دەکات لەگەڵ واشنتن و ناتۆ و پاراستنی ئاساییش...