کەشوهەوای ئەم چەند ڕۆژە جێگیر دەبێت و لە هەفتەی داهاتووەوە شەپۆلێکی سەرمای بەهێز و بارانبارین ڕوو لە هەرێمی کوردستان دەکات.

هەواڵ:KNNC

کەشناسیی هەرێمی کوردستان پێشبینییەکانی ڕەوشی کەشوهەوای بڵاوکردەوە و ڕایگەیاند: ئاسمان ساماڵ دەبێت و لە هەندێک شوێن کەمێک هەور دروستدەبێت و بەیانیش ئاسمان پەڵەهەور و نیمچەهەور دەبێت، ئەگەر چی پلەکانی گەرما کەمێک بەرزدەبنەوە، بەڵام بەستن و زوقم لە کاتەکانی بەیانییدا بەرداوەمی دەبێت.

ئەوەش لە کاتێکدایە بەرزترین پلەکانی گەرما لەنێوان 2 بۆ 10 پلەی سیلیزییدایە و شەوان و بەرەبەیانیش پلەکانی گەرما لەبەشیکی ناوچەکان لە خوار سفرەوەن و لە پلەی بەستندان.

لای خۆشییەوە پشتیوان پێنجوێنی شارەزای بواری کەشناسیی بە کەی ئێن ئێنی ڕاگەیاند: لە 9 بۆ 14ی ئەم مانگە شەپۆلێکی بارانبارین و سەرمای بەهێز ڕوو لە هەرێمی کوردستان دەکات و لە ناوچەشاخاویی و سنوریی و بەرزەکان بەفر دەبارێت.

پشتیوان پێنجوێنی وتیشی، دوو هەفتەی کۆتایی ئەم مانگە سەرمایەکی توند و بەهێز ڕوو لە ناوچەکەمان دەکات و بەفربارینی بۆ ناوچە جیاوازەکان پێدەبێت...