دۆلار لە بەرزبوونەوەی بەردەوامدایە و نرخی 100 دۆلار و نزیک دەبێتەوە لە 150 هەزار دینار.

هەواڵ:KNNC

ناجێگیری نرخی دۆلار بەردەوامە و بۆ ئەمڕۆش نرخی هەر 100 دۆلارێک گەیشتە 147 هەزار دینار، لە کاتێکدا لە کاتی کردنەوەی بازاڕدا نرخەکەی 145 هەزار و 400 دیناربوو.

ئەوەش لە کاتێکدایە دوێنێ 100 دۆلار بە 144 هەزار دیناربووە، واتە لە دوێنێوە نرخەکەی 3 هەزار دینار لە بازاڕەکانی هەرێمی کوردستان بەرزبووەتەوە.

لە کۆتا ڕۆژی پاردا پێنج ڕۆژ بەر لە ئێستاشدا هەر 100 دۆلاریک بەرامبەربوو بە 142 هەزار و 900 دینار واتا لە کەمتر لە یەک هەفتەدا هەر 100 دۆلارێکی ئەمەریکیی نزیکەی 5 هەزار دینار چووەتە سەر نرخەکەی لەنێو بازاڕی دراو، جیا لەوەی کە لە دەرەوەی بازاڕەکە نرخەکەی لە هەر ئاڵوگۆڕگەیەک جیاوازە و بە زیاتر مامەڵەی پێوەدەکرێت.

جیاواز لە هەرێمی کوردستان ئەمڕۆ لە بەغداد دیناری عێراقیی بەشێوەیەکی بەرچاو دابەزی و 100 دۆلار بەرامبەرە بە زیاتر لە 147 هەزار و 750 دینار ....