کەشناسیی هەرێمی کوردستان پێشبینییەکانی کەشوهەوای بڵاوکردەوە ڕایگەیاند: لە ئێوارە و شەوی ئەمڕۆوە شەپۆلێکی توندی بەفروسەرما گۆڕانکاری تەواوی بەسەردا دێت و بەفربارین دەگاتە ناوەندی بەشێکی زۆری ناوچە ئاوەدانییەکان.

هەواڵ:KNNC

کەشناسیی هەرێمی کوردستان پێشبینییەکانی کەشوهەوای بڵاوکردەوە ڕایگەیاند: شەپۆلێکی بەفروباران تەواوی هەرێمی کوردستان دەگرێتەوە و زۆربەی ناوچە شاخاوییەکان  وە هەروەها ناوەندی دهۆک , سلێمانی, هەڵەبجە وە دەوروبەری هەولێر و کەرکوکیش، دەگرێتەوە لەگەڵ نمە باران لەناوچە نزمەکانی هەرێم  پاشان بۆ کاتەکانی شەو کاریگەری لاواز دەبێت ناوچە شاخاوییەکان نەبێ دابارینی کرێوە بەردەوامی دەبێت
پێشبینیشی کردوە بڕی بەفربارین بۆ ناوچە شاخاویی و نیمچە شاخاوییەکان 15 بۆ 30 سم بەفر بێت.

کەشناسیی وتوشییەتی لەم شەپۆلەدا پلەکانی گەرما 5 بۆ 8 پلەی سیلیزیی دادەبەزن و لە بەشێکی ناوچەکان دەچنە ژێر سفری سیلیزیی.

لای خۆشییەوە شاڵاو هیدایەت شارەزای بواری کەشناسیی بە کەی ئێن ئێنی ڕاگەیاند: لە ئێستادا هەرێمی کوردستان لەژێر کاریگەریی شەپۆلێکی سەرمای تونددایە و لەمشەوەوە دەگۆڕێت و شەپۆلێکی بەفربارینی چڕ ڕوو لە هەرێمی کوردستان دەکات و پێشبینی دەکرێت ئەمشەو تەواوی ناوەندی ناوچە ئاوەدانییەکانی ڕاپەرین بەرگی سپی بپۆشن بەبەفر لەگەڵ بەشێکی تری زۆرینەی زۆری ناوچەکانی کوردستان، کە کاریگەرییەکەی بۆ سنوری ناوچەکانی هەولێر وڕاپەرین و کۆیه زیاتر لەکاتەکانی دوانیوەڕۆ بەولاوە دواتر بۆ سلێمانی و کەرکوک و گەرمیان و هەڵەبجەش لە درەنگانی ئێوارە و شەودا دەبێت و بەفرابرین زۆرتر ناوچە بەرزەکان دەگرێتەوە.

شاڵاو هیدایەت ئاماژەی بەوەذاوە، ئەو ناوچانەی کە بەفریان لێنابارێت لە شارە جیاوازەکان، کە زیاتر لە باشور و ناوەڕاستی گەرمیان و بەشیکی کەرکوک و هەولێرن، ئەوا بارانی باش و زستانەیان لێدەبارێت.

کەشناسەکە لەبارەی شەپۆلی داهاتوی باران و بەفر ئاماژەی بەوەدا، هەروەها 31 ی ئەم مانگە واتا دووبەیانی تا 2 ی 1ی 2026 شەپۆلێکی دیکەی بەفروباران و سەرما تەواوی هەرێمی کوردستان دەگرێتەوە...