دوای ئەوەی ژمارەیەک لە میدیا ناوخۆییەکانی سووریا هەواڵی گەیشتنی مەزڵوم عەبدی، فەرماندەی گشتیی هێزەکانی سووریای دیموکرات (هەسەدە)یان بۆ دیمەشقی پایتەخت بڵاوکردەوە، سەرچاوە فەرمییەکانی حکومەتی سووریا ئەو دەنگۆیانەیان ڕەتکردەوە.

هەواڵ: KNN

عەلی ڕیفاعی، بەرپرسی پەیوەندییە گشتییەکانی وەزارەتی ڕاگەیاندنی سووریا، لە لێدوانێکی فەرمیدا ڕایگەیاند: بە هیچ شێوەیەک ئەو هەواڵانە ڕاست نین کە باس لە گەیشتنی مەزڵوم عەبدی بۆ دیمەشق دەکەن و بە توندی ڕەتیان دەکەینەوە

هاوکات، ئەو میدیانەی کە پێشتر هەواڵەکەیان بڵاوکردبوەوە، دوای دەرکەوتنی ڕاستی بابەتەکە و بێبنەمایی دەنگۆکان، هەواڵەکەیان لە پلاتفۆرمەکانی خۆیان سڕییەوە

ئەم هەڵایە میدیاییە لە کاتێکدایە کە ناوچەکە بە بارودۆخێکی سیاسی و سەربازیی هەستیاردا تێدەپەڕێت، و چاوەڕوان دەکرێت بەر لە ساڵی نوێ رێکەوتنێکی نوێ لەنێوان هێزەکانی سوریای دیموکرات و حکومەتی کاتی سوریا بەنێوەندگیری ئەمریکا ئەنجامبدرێت،  بەڵام تائێستا هیچ کۆبوونەوەیەکی لەو شێوەیە لە دیمەشق پشتڕاست نەکراوەتەوە