عومرەکارێکی دیکەی کورد گیانی لەدەستدا و تا ئێستاش لەمساڵدا 14 عومرەکاری کورد گیانیان لەدەستداوە.

هەواڵ:KNNC


تەها سەعید ئەحمه‌د، بەڕێوەبەری نوسینگەی حەج و عومرەی پارێزگای سلێمانی له‌ ڕاگه‌یه‌ندراوێكدا ڕایگەیاند: به‌ره‌به‌یانی ئه‌مڕۆ شه‌ممه‌، عومرەکارێکی کورد بەناوی سەرگوڵ عه‌بدوڵا حەمە کەریم، له‌ شاری مه‌دینه‌ی سعودیه‌ كۆچی دوایی كرد.

ئه‌وه‌شی خستوەته‌ڕوو، ئه‌و عومره‌كاره‌ رۆژی 16ی ئه‌م مانگه‌ جەڵتەی مێشک لێیداوه‌ و دوای مانەوەی نزیکەی 11 ڕۆژ لە نەخۆشخانە ئەمڕۆ کۆچی دوایی کردوە.

بەپێی ئامارە فەرمییەکانی ئەوقاف و کاروباری ئایینی هەرێمی کوردستان لە سەرەتای ساڵی 2025ەوە تا ئێستا 14 عومرەکاری کورد لە کاتی بەجێهێنانی عومرە یاخود لەڕێگەی چوون و هاتون گیانیان لەدەستداوە...