ئەمەریکا ڕێگە نادات گروپە قەدەغەکراوەکان لە حکومەتی داهاتووی عێراقدا بن و وەزیری دەرەوەی عێراقیش دەڵێت: نابێت بابەتەکە لەبەرچاونەگیرێت.

هەواڵ:KNNC


فوئاد حسێن وەزیری دەرەوەی عێراق لە چاوپیکەوتنێکی میدیاییدا ئاماژەی بەوەدا، لە حکومەتی نوێی عێراقدا هەندێک گۆڕانکاریی دەبینرێت و ڕێگە بە بەشداریی هەندێک گروپی قەدەغەکراو نادرێت.

وەزیری دەرەوەی عێراق ڕوونکردنەوەی زیاتری لەبارەی بابەتەکەوە دا و وتی، ئەمەریکا شەش گروپی عێراقیی وەک تیرۆرست دەستنیشانکردوە، ئەو گروپانە بەهیچ جۆرێک نوێنەرایەتییان لەنێو حکومەتی داهاتووی عێراقدا نابێت و ناتوانن بەشداربن.

فوئاد حسێن ئاماژەی بەوەشدا، کە نابێت بابەتەکە بە هەند وەرنەگیرێت و پێوسیتە لەپێناو پەیوەندییە دیپلۆماسییەکانی عێراق بەتەواوەتی پرسەکە لەبەرچاوبگیرێت، بەو جۆرەش دەستەبەری پەیوەندیی سەرکەوتوو دەکرێت بۆ عێراق لەگەڵ تەواوی وڵاتان...