هاوسەرۆکی کەجەکە دەڵێت: تەنها چەکدادان بەس نییە پۆ بەدیهێنانی ئاشتی و دەبێت ئیتر دەوڵيتی تورکیا هەنگاوی گرنگ بنێت، جەختیش لە ئازادبوونی جەستەیی عەبدوڵڵا ئۆجالان دەکاتەوە.



هەواڵ:KNNC

جەمیل بایک هاوسەرۆکی کۆما جڤاکێن کوردستان- کەجەکە لە نوێترین لێدوانیدا ڕایگەیاند: تەنها چەکدادان و کشانەوە و هەنگاوەکانی پەکەکە بەس نین بۆ پێشکەوتنی پڕۆسەی چارەسەری، گەریلا لەسەر بانگەوازی ڕێبەرەکەی تەواوی هەنگاوەکانی ناوە و بەرپرسیارییەتی تەواویان لەئەستۆگرتوە لەپێناو لەناونوچەی ئەو پڕۆسەیەی هەیە،


ئاماژەی بەوەشدا، دەبێت دەوڵيتی تورکیا هەنگاوی خێرا و گرنگ بنێت،  عەبدوڵڵا ئۆجالان بە ڕوونی ئەوەی ڕایگەیاندووە کە پێویستە پڕۆسەکە بچێتە قۆناغێکی نوێ و هەر سستییەک لە هەنگاوەکان زیانی دەبێت، بەڵام وەک دەبینرێت لایەنی بەرامبەر کە تورکیایە هێشتا ماوە هەنگاو بنێت.

جەمیل بایک وتیشی، ئێستا پڕۆسەکە چووەتە دووهەمەوە و ئازادیی جەستەیی عەبدوڵڵا ئۆجالانیش مەرجی پەکەکەیە، دەبێت دەوڵەتی تورکیا یاسای ئینتێگراسیۆنی دیموکراتیک و ئازادی دابمەزرێنێت، هەروەها بنەمای سیاسەتی دیموکراتیک بە شێوەیەکی یاسایی بپارێزرێت...