سودانی: عێراق نمونەیەكی دیاری خۆرهەڵاتی ناوەڕاستە لەدیموكراسیی  و فیدراڵیدا

هەواڵ:KNNC

لەسەردانەكەیدا بۆ برۆكسلی پایتەختی بەلژیكاو بەشداریكردنی لەكۆبونەوەی سەران و نوێنەرانی دەوڵەتانی باكوری ئەتڵەسی محەمەد شیاع سودانی سەرۆكوەزیرانی عیراق وتارێكی پێشكەشكردو رایگەیاند: عیراق چیتر مایەی نیگەرانی ئەمنی نییە بەڵكو هاوبەشێكی ستراتیژییەو دەكرێت پشتی پێببەسترێت.

وتیشی عیراق هاوبەشی ناتۆیە لەناوچەكەداو بوەتە  نمونەیەكی دیاری خۆرهەڵاتی ناوەڕاستە لەدیموكراسیی  و فیدراڵیدا.

سەرۆكوەزیرانی عیراق ئاماژەی بەوەشكرد؛ كاری لەپێشینەی حكومەتەكەی ئاوەدانكردنەوەی عیراق و پشتوانیكردنیەتی لەو هەڵبژاردنەی كە لەداهاتودا بەرێوەدەچێت.

ئاماژەی بەوەشكرد كە عیراق لەهەوڵی چارەسەركردنی دۆسێی ئەتۆمی ئێراندایە لەچوارچێوەی یاسای نێو دەوڵەتی و بەشێوەیەكی ئاشتیانە و لەهەمان كاتیشدا بەغداد پشتیوانی لەئارامی و سەقامگیری سوریا دەكات .