لەشەڕێكی خێڵەكی لەناوچەی سەعادەی شاری بەغدا
چوار كەس كوژران و پێنجی تریش بریندار بوون .
هەواڵ: KNN
وەزارەتی ناوخۆی عیراق بڵاویكردەوە ؛ بەهۆی
شەڕی نێو دوو خیڵ لەناوچەی سەعادەی بەشی رەسافەی شاری بەغدا چوار كەس كوژران و پێنجی
تریش بریندابوون.
ئاماژە
بەوەشكراوە كە دوو لەكوژراوەكان ئەفسەرن و سەرجەم بریندارەكانیش سەر بەپۆلیسی فیدراڵین كە لەهەوڵدا
بوون شەڕەكە رابگرن و لەهەمان كاتیشدا شەش كەسی تر لەبەشەڕهاتوەكان دەستگیر كراون.
شەڕو ناكۆكی خێڵە عەرەبەكانی عیراق بوەتە دیاردەیەكی
ترسناك كە بەهۆیەوە مەترسی بۆ سەر ئاشتەوایی كۆمەڵایەتی و گیانی هاوڵاتیانی بێ تاوان دروستكردوە.
لایخۆشیەوە عەبدولئەمیر شەمری وەزیری ناوخۆی عیراق لە بەیاننامەیەکدا بڵاویکردووەتەوە، ڕایگەیاندووە، "ئەوانەی چەک هەڵدەگرن دژی دەوڵەت یان هێرش دەکەنە سەر هێزە ئەمنییەكان ی ڕووبەڕووی ڕێوشوێنی خێرا و چارەنووسساز دەبنەوە و هەرکەسێکیش ببێتە مەترسی بۆ سەر ئاسایشی عێراق و دامودەزگاکانی ئەوا بە دەستێکی ئاسنین بەرپەرچی دەدەنەوە.
59 جار خوێندراوەتەوە