ئەمڕۆ پێنجشەممە، مەحمود مەشهەدانی، سەرۆکی پەرلەمان بەبۆنەی یادی لەدایکبوونی پێغەمبەری ئیسلام پیرۆزبایی لەسەرجەم مسوڵمانانی جیهان كرد.

هەواڵ: KNN

مەشهەدانی دەڵێت : پەیامی موحەمەد تەنیا بانگەوازێک نەبوو بۆ بەزەیی و ئاشتی، بەڵکو شۆڕشێک بوو لە دژی نادادپەروەری و ستەمکاری، دەنگی ڕاستی و هەق بوو بەرامبەر بە ناهەقی، هەروەها ڕێگایەک بوو بۆ دامەزراندنی دەوڵەتێک کە لەسەر بنەمای دادپەروەری و سەروەری و کەرامەت بێت، ئەوانەش ئەو پرەنسیپانەن کە دەبێت ئەمڕۆ لە عێراقی خۆشەویستمان پێیان پابەند بین بۆ ڕووبەڕووبوونەوەی گەندەڵی و وابەستەیی و هەژموونی بیانی.

دەشڵێت: ساڵیادی لە دایک بوونی ئەو سەرکردەیەی مرۆڤایەتی لە تاریکی نەزانی هێنایە دەرەوە بۆ ناو ڕووناکیی ئیمان، لە کۆیلایەتی ستەمکارانەوە بۆ کەرامەتی ئازادی و لە دووبەرەکی و دوژمنایەتییەوە بۆ پەیامێكی یەكانگیر.