وەزارەتی گەیاندنی عێراق ئاشكرایكرد بەم نزیكانە دەستدەكرێت بەگەڕخستنی واژۆی ئەلەكترۆنیی كە لەسەر ئاستی جیهان باوەڕپێكراوە.

هەواڵ: KNN

هویام یاسری وەزیری گەیاندنی عیراق لەلێدوانێكی رۆژنامەوانیدا رایگەیاند؛ حكومەت هەنگاوەكانی خێراتر كردوە بۆ بەدیجیتاڵكردنی كاروبارەكانی لەپێش هەموشیانەوە پابەدانی ئەلەكترۆنیی و بەبانكیكردنی موچە و لەداهاتویەكی نزیكیشدا كارتی یەكگرتو بۆ سەرجەم عیراقییەكان دروستدەكرێت.

بەوتەی یاسری وەزارەتەكەیان پلان و پرۆژەی گەورەو ستراتیژییان لەبەردەستدایە كە بەداهاتودا بەئەنجامی دەگەیەنن و بەم نزیكانەش  بۆ جاری یەكەم كار بەواژۆی ئەلەكترۆنی دەكرێت لەعیراق كە لەسەر ئاستی جیهان باوەڕپێكراوە.